भक्तपुर चैत्र १३ गते २०८०
भक्तपुर जिल्लाको मध्यपुर नगरपालिकाको बोदेस्थित बिस्का जात्रामा जिब्रो छेड्ने टोलमा उपत्यका ब्यापी धिमे बाजा प्रतियगिता यही चैत्र २६ गते हुन लागेको छ । मध्यपुर नगरपालिकाको आयेजना तथा लाकुछेँ धिमे गुठी र खपला धिमे गुठीको सहकार्यमा उपत्यका ब्यापी धिमे प्रतियोगिता तथा संस्कृति मेला २०८० को हुन लागेको हो । उक्त कार्यक्रम मध्यपुर थिमि नगरपालिकाको प्रस्तावित पर्यटन गुरुयोजना अनुसार स्थानिय उत्पादनको प्रबद्र्धन गरी पर्यटन र आय आर्जनमा जोड्ने उद्धेश्यले धिमे बाजा प्रतियोगितासँगै संस्कृति मेला र फोटो प्रदर्शनीको आयोजना गरेको आयोजक समितिले जानकारी दिएको छ । धिमे बाजा प्रतियागितामा प्रथम हुने समुहलाई रु ५० हजारको नगद पुरस्कारको ब्यवस्था गरिएको छ । त्यस्तै दोस्रो हुनेलाई २५ हजार, तेस्रो हुनेलाई १५ हजार र सान्त्वना रु १० हजार सहित शिल्ड तथा प्रमाण पत्र प्रदान गर्ने ब्यवस्था गरिएको पनि जानकारी दिएको छ । त्यस्तै संस्कृतिमेलामा मध्यपुरमा रहेका परम्परागत र रैथाने उत्पादनको करिव २५ वटा स्टल रहने छ भने स्थानिय परिकारहरुको प्रदर्शनीसँगै मिनि फुद फेस्टिवल हुने छ । उक्त प्रदर्शनी स्थानिय परिकारहरुको बिभिन्न स्वादको खानाहरुको स्वाद चाख्न पाउने पनि आयोजकले जानकारी गराएको छ ।